Sommaren er her, sjølv om det ikkje ser slik ut alle stader. Med sommaren kjem utandørsstemna, og i år skal det arrangerast både Noregsmeisterskap og Nordisk meisterskap for fjordhest her i landet.

av Aurora Leivdal Haavik

NM og nordisk er store arrangement, og det er mange ting ein må tenkje på i forkant av slike stemner. I medlemsbladet «Fjordhesten» nr 02/17, som kom i postkassa til medlemmane våre i midten av juni, kan du mellom anna lese gode råd frå Louise Strand, som er personleg trenar for hest og ryttar. Ho fortel det kva det kan vere lurt å tenkje på før og under eit slikt stemne. Eitt av råda ho kjem med er å starte planlegginga i tide, og skrive ei liste over det ein skal ha med seg.

Her har du ei liste som du kan nytte som eit utgangspunkt når du skal pakke til NM og Nordisk. Skriv den ut og heng den opp i stallen, så kan du stryke det du har pakka og tilføye ting etter kvart som du kjem på dei.
Her finn du ein utskriftsvenleg versjon av lista.

    Frå Fjordhest-NM 2016. Foto: Inger Grønntun

    Papir – hest
    Hestepass
    Vaksinasjonsattest
    Eigenerklæring
    Hestelisens

    Papir – ryttar
    Medlemsbevis i Norges Fjordhestlag og lokal rideklubb
    Kvalifikasjonspapir
    Ryttarlisens
    Ryttarmelding
    Vegskildring

    Stall
    Grime og leietau
    Kraftfôr og vitaminar
    Høy og vekt
    Høynett/-posar
    Elektrolyttar (dersom det blir varmt og hesten skal igjennom spesielt krevjande øvingar)
    Bøtter til vatn og fôr
    Saks
    Strigleutstyr og hovkrok
    Showshine
    Leiehovudlag med nummerskilt
    Pussesaker til sal/sele
    Regndekken
    Handkle og klut
    Bandasjer (til premieutdeling)
    Koppar/belegg (til klasser der dette er tillate)
    Halebandasje og transportbelegg til reisa
    Broddutstyr
    Førstehjelpsutstyr
    Boksgardin
    Dekkenhengar
    Møkkagreip
    Svamp
    Våtserviettar
    Insektspray
    Longeringsutstyr
    Kjøleprodukt/liniment (undersøk om dette er lovleg å bruke med omsyn til dopingreglar)
    Insektdekken
    Sveittedekken
    Nummerskilt
    Hingstemerke
    Blokk og penn/tusj

    Til ryttaren
    Stemnejakke og skjorter
    Kalvekryss og nål
    Hårnett og hårstrekk
    Kvit ridebukse – gjerne fleire
    Overtrekksbukse for å halde ridebuksa rein
    Ridestøvlar
    Gummistøvlar ved dårleg ver
    Hanskar
    Hjelm
    Sikkerheitsvest
    Sporar – husk å sjekke tillate lengde, det målast frå skoen
    Pent antrekk til ryttarfesten
    Toalettsaker
    Sokkar, undertøy
    Bukser, toppar, genserar
    Jakke
    Sko
    Regnkle
    Sovepose/dyne/laken
    Handkle og klut
    Nattklede
    Mobilladar
    Lommebok
    Sysaker

    Diverse
    Sykkel, om du har plass.
    Kamera og ekstra minnekort
    Laptop
    Reservehjul til bil og hengar
    Kniv

    Sprang
    Sal
    Gjord (plate)
    Fortøy
    Martingal
    Hovudlag
    Belegg
    Koppar
    Sjabrak
    Køyring
    Sele
    Seleunderlag
    Hovudlag
    Vogn
    Belegg
    Koppar
    Pisk
    Køyreforkle
    Stoppeklokke
    Nummerskilt og -haldar
    Antrekk
    Lykter til vogna for klasser som krev dette
    Dressurprogram

    Dressur
    Sal
    Hovudlag
    Sjabrak
    Belegg
    Pisk
    Dressurprogram – pass på at du øver på dei nyaste programma som kom 1. mai!

    Feltritt
    Hovudlag
    Sal
    Belegg
    Fortøy
    Martingal
    Medical Card
    Nummervest

    Hugs at Fjordhest NM har eiga nettside, der finn du statuttane og mykje anna nyttig informasjon. Statuttane for Nordisk finn du på nettsida til Borge Rideklubb, meir informasjon finn du også på Facebook-sida Nordisk for fjordhest.

    Det er også smart å setje seg godt inn i reglementet for dei greinene du skal delta i dersom du ikkje har gjort det allereie. Reglementet finn du på Norges Rytterforbund sine nettsider.

    Ynskjer du å lese artikkelen skrive av Louise Strand om førebuing til NM kan du bli medlem i Norges Fjordhestlag her.

    Då gjenstår berre å få plass til alt og sjekke at hengaren er i orden og godkjent for transport – og hugs å få med hesten! Vi ynskjer alle deltakarar lukke til, håpar de får ei knallfin veke med mange gode opplevingar.

      Glade vinnarar på NM 2016

       

      Share This