Styret og aktivitetsutvalet i Norges Fjordhestlag har vedteke kvalifiseringskrav for Nordisk for fjordhest 2025.
Nordisk meisterskap for fjordhest vert i 2025 arrangert i Noreg, og går av stabelen på Epona ryttersenter i Kristiansand 25. juni-1. juli. Dette er samstundes som årets NM for fjordhest. Adressa til stemnestaden er Travparkvegen, 4636 Kristiansand.
Fullstendige, oppdaterte statuttar for Nordisk finn du her.
Dette er dei norske kvalifiseringskrava som gjeld for Nordisk 2025:
All kvalifisering må ha skjedd i løpet av dei to siste kalenderåra, på distriktsstemne eller høgare, og seinast innan påmelding til nordisk vert sendt.
Dressur:
Junior: To gangar over 60 % i minst LA
Senior: To gangar over 60 % i minst MC
Sprang:
Junior: To grunnomgangar i 80 cm eller høgare med maks 4 feil til saman
Senior: To grunnomgangar i 90 cm eller høgare med maks 4 feil til saman
Køyring:
Junior: Minst 2 Lett DMP til godkjent resultat. Ekvipasjen må minst ha oppnådd 60% i dressuren.
Senior: Minst 2 Middels DMP til godkjent resultat. Ekvipasjen må minst ha oppnådd 60% i dressuren.
Allround:
Junior
– Dressurriding: Ein gang over 60% i LB
– Sprang: Ein grunnomgang i 80 cm med 0 feil
– Presisjonskøyring: Ein omgang Lett med maks ni feil
Senior
– Dressurriding: Ein gang over 60 % i LA
– Sprang: Ein grunnomgang i 80 cm med 0 feil
– Presisjonskøyring: Ein omgang i Middels med maks ni feil
Lag
Lag vert tatt ut av Aktivitetsutvalet, og uttak vert basert på resultat i kvalifiseringsperioden, med særleg fokus på siste 12 månader. Skriv i søknaden om du er interessert i å vere med på lag.
Søknad om å delta i nordisk må vere sendt til aktivitet@fjordhest.no innan 1. mai. Individuelle deltakarar og lag vert tatt ut i mai.
