Norges Fjordhestlag sin landsfinale for unghopper vil bli arrangert under jubileumsutstillinga til Ørsta og Volda Fjordhestlag i Ørsta, 29.-30. august. Her finn de invitasjon til og informasjon om utstillinga:
Velkomen til jubileumsutstilling med jubileumsmiddag i Ørsta 29.-30.08.2025
Ørsta og Volda fjordhestlag ønskjer velkommen til jubileumsutstilling laurdag 30.08.2025 i samband med at laget fyller 100 år i år (sjå «Fjordhesten» nr. 2, 2025). Utstillinga er open for vaksne hopper og vallakar, unge hopper og vallakar til og med 3 år og hingstar til og med 2 år. Vi skal også arrangere landsfinalen for unge hopper. Det vert jubileumsmedalje og jubileumskopp til alle. I tillegg vert det penge-/ gåvepremiar i dei ulike klassene.
Adresse for arrangementet: Mosflatevegen 23, 6154 Ørsta
Program:
Fredag 29.08:
Ettermiddag: Bruksprøver (køyring). Vi kjem attende til starttidspunkt.
19.30-01.00: Jubileumsmiddag på Møre Folkehøgskule.
Laurdag 30.08:
09.00: Jubileumsutstilling.
15.00: Landsfinale unge hopper (Tidspunktet kan verte endra).
Informasjon
Bruksprøver:
Bruksprøve i køyring vil gå føre seg på området nedanfor ridehallen. Det vert mogleg å låne ulike typar vogner. Ta kontakt med Kåre Henning Myklebust (90525824, kh.myklebust@gmail.com) om du har spørsmål om køyreprøva.
Oppstalling:
Det vert mogleg å leige bokser til hestane i løpet av helga. Det vert sett opp teltstallar på området ved sidan av ridehallen. Prisar: Pr døgn: 300kr. To døgn (helg frå fredag til søndag): 500kr. Prisen er inklusiv 1 pakke flis. Det er mogleg å kjøpe flis i tillegg. Boksene skal betalast i forkant av utstillinga.
Ta kontakt med oppstallingsansvarleg Hedda Ose (48158590, heddaose17@gmail.com) for bestilling av boks eller om du har spørsmål. Boksene blir satt opp torsdag og står til søndag.
Jubileumsmiddag:
Jubileumsmiddagen blir avholdt på Møre Folkehøgskule fredag 29.08. Dørene opnar 19.30 og middagen startar kl. 20.00. Det blir koldtbord, dessert, vin/øl og god stemning! Vi avsluttar kvelden kl. 01.00. Pris: 550 kr for middag og dessert. Drikke må ein betale sjølv.
Påmelding jubileumsmiddag: Ta kontakt med Hilde Beate Yksnøy (90760475, dalepia@hotmail.com) for påmelding til middagen. Frist påmelding og betaling: 10.08.2025. Påmelding utan betaling vert ikkje registrert (sjå betalingsinfo lengre nede på sida).
Jubileumsutstilling:
Utstillinga startar laurdag 30.08 kl. 09. Meir informasjon kjem til utstillarar på e-post etter at påmeldingsfristen er ute.
Påmeldingsfrist er 27.07, og de skal melde på via denne lenkja.
I pausa før premiering vert det følsjå. For påmelding, ta kontakt med Lisbeth Mo Myklebust (97167490).
Landsfinale for unge hopper:
Norges Fjordhestlag sin landsfinale for unge hoppervert arrangert laurdag 30.08 kl. 15. Alle hopper som er meldt på i unghestklasser på lenkja over, er også påmeldt landsfinalen. Vi håper mange vil melde på til landsfinalen, og håper å sjå mange unge og lovande hopper.
Betaling:
All betaling på kontonummer eller vipps til Ørsta og Volda fjordhestlag. Hugs å merke betalinga med kva det gjeld og namn. NB! Innmeldingsavgift for utstilling betalast direkte til Norsk Hestesenter, dette kjem opp når de melder inn hest på lenkja over.
Kontonummer: 3992 30 18909
Vipps: 595156
Overnatting:
Det er fleire overnattingsmoglegheiter i Ørsta sentrum med kort veg til utstillingsplassen: Møre Folkehøgskule, Ivar Aasen hotell, Ørsta camping mm.
Har du spørsmål?
Ta kontakt med Marianne Solbjørg Ose (99239125), Torill Wollmann (90845628) eller på e-post orstavoldafjordhestlag@gmail.com
Vi gler oss til ei helg med fjordhesten i sentrum, der vi også ser tilbake på lange tradisjonar med ønskje om å ta vare på den flotte fjordhesten vidare. Vi håpar mange vil ta turen til Ørsta denne helga – velkomen skal de vere!
