Frifond er ei stønadsordning oppretta av Stortinget for å betre rammevilkåra for kulturarbeid for barn og unge. Lokallag tilknytta Norges Fjordhestlag kan søkje om driftsstilskot og prosjekttilskot til aktivitet for born og unge.
Norges Fjordhestlag har i 2016 skipa Barnas Fjordhestlag. Formålet er at Norges Fjordhestlag gjennom Barnas Fjordhestlag skal skape tilbod og aktivitet for born der dei møter fjordhesten i trygge omgjevnader. Norges Fjordhestlag ønskjer å støtte og stimulere til aktivitetar og arrangement i lokallaga for sine ungdomsmedlemar under fylte 26 år og til medlemar i Barnas Fjordhestlag. Tildeling av midlar er etter Frifond sine retningslinjer.
Datoar som er viktig å merke seg:
- 1. september: søknadsfrist midlar for 2027
- 31.oktober: midlane for 2026 skal vere brukt
- 15. november: frist for rapportering av 2026-midlar
Kven kan søkje om frifondmidlar gjennom Norges Fjordhestlag
Lokallag som er tilknytt Norges Fjordhestlag og som oppfyller følgjande krav, kan søkje om frifondmidlar:
- Laget må ha gjennomført årsmøte for føregåande år
- Laget må ha levert årsmelding og rekneskap til Norges Fjordhestlag for føregåande år, og innan søknadsfristen.
- Laget må ha betalt kontingent til NFL for søknadsåret.
- Laget må ha minimum 5 tellande medlemmer under 26 år i Norges Fjordhestlag eller Barnas Fjordhestlag.
Merk at det er betalande medlemmer i landslaget med adresse i gjeldande region som er tellande, og ikkje medlemmar på lokallaget si eigen medlemsliste. Lokallag kan få informasjon om tal tellande medlemmar tilsendt ved henvendelse på mail til: post@fjordhest.no.
Norges Fjordhestlag har tre ordningar laga kan søkje om frifondmidlar til:
1. Driftsstøtte: Fast beløp på minimum kr 5.000 til lag som driv aktivt, og har tilbod om aktivitetar for barn og unge. Laget må sende rapport på tiltaket i etterkant. Sjå eige skjema. Laget må ellers tilfredsstilla dei generelle krava under punkt 3 i retningslinjene.
2. Tilskot til prosjekt for barn og unge i laget. Med prosjekt er det meint alle aktivitetar eller arbeid som kan fremja arbeid med born og unge rundt fjordhesten. Døme kan vera arrangement som ridekurs, stellekurs, køyrekurs, knøttecup, minicup, feil og stil-konkurransar eller satsingsgruppe for born og unge mot fjordhest-NM og liknande. Lokallaget står fritt til å komme med gode idear. Laga må sende eigen søknad om prosjekttilskot med kort prosjektskildring og budsjett. Laget kan berre søkje om tilskot til eitt prosjekt per år. Laget må sende rapport på tiltaket i etterkant. Sjå eige skjema.
3. Oppstartmidlar til nyetablerte lag. Dette er midlar som kan delast ut til nye lokallag.
Korleis søke om frifondmidlar:
Laga sender søknad om frifondtilskot til NFL si e-postadresse post@fjordhest.no.
Utbetalingsfristen av midlar frå landslaget til lokallaga skjer 15.desember. Klage på tildeling av midlar gjerast skriftleg til styret i Norges Fjordhestlag. Klaga kan omhandle vedtak og sum. Klagefristen er 14 dagar etter kunngjering av tildelt tilskot.
Aktuelle dokument:
