Europameisterskapen for fjordhest vert i år arrangert i Vilhelmsborg i Danmark, og den har byrja bra for dei norske deltakarane.
Torsdag fekk Ida-Elin Røstad Sunde og Kuling ein 4. plass i første avdeling av dressur EM senior, Hanne Elise Pedersen og Jakobgardens Hedina fekk ein delt 5. plass i første avdeling av sprang EM senior. I tillegg var det jamt over gode resultat frå dei norske både i køyring og allround.
Fredag har vore ein fantastisk norsk dag i Danmark, spesielt i andre runde av EM sprang. Trine Lillestøl Paulsen og Fannemels Argon vann klassa, Karin Kleppe og Merinas Emil vart nummer 5 og Mette Lothe og Heimlunds Lieroy nummer 6. Annike Mikkelsen og Blåtopps Aron vart nummer to i sprangklassa som inngår i EM allround. Eit lite skår i gleda er at Tord, som med kusk Merete Louise Sandem var køyreekvipasja på Noregs førstelag, har brutt EM på grunn av haltheit.
Ida Elin Røstad Sunde og Kuling fekk 2. plass i andre avdeling av EM dressur
Mette og Lieroy, Trine og Argon og Karin og Emil feirar gode resultat i sprang
Annike Mikkelsen og Blåtopps Aron vart nummer to i sprangen som inngår i EM allround
Tusen takk til Aina Huseby for rapport og bilete frå EM!
