Norges Fjordhestlag inviterer til webinar om hestens munnhole med veterinær Helen Indrebø.
Helen Indrebø er frå Førde, men er busett i Sverige der ho driv oppdrett av fjordhest under namnet FjordhestFin. Ho har sin eigen veterinærklinikk der ho arbeider med fokus på hesten si munnhole og smådyr.
Helen er utdanna veterinær frå Veterinærhøgskulen, med etterutdanning på hestens tenner frå Statens Lantbruksuniversitet i Uppsala. I tillegg har ho tatt fleire kurs både i Sverige og i utlandet.
Helen har drive aktivt med avl og bruk av fjordhest heile livet, og har mellom anna vunne Fjordhest-NM og NM køyring.
Tysdag 16. mars kl 20 vil Helen halde digitalt foredrag – webinar – om hestens munnhole. Her vil ho kome inn på tema som anatomi, funksjon, vanlege problem samt grunnprinsipp for bruk av bitt.
Webinaret er ope for alle medlemmar av Norges Fjordhestlag, og er gratis. Du melder deg på ved å fylle ut påmeldingsskjema, og vil deretter få ei lenkje til TEAMS-møte der webinaret vil foregå.
Er du ikkje medlem av Norges Fjordhestlag? Meld deg inn her for å kunne delta på webinar.
